نيجار يقول...رئيس التحرير

شرفتني ونورتني بزيارتك 

بس مين قالك إن بنت القاضي تتكلم زي ما هي عايزه بالعكس ده كل كلمه بحساب ووالله بنت القاضي أغلب من الغلب ،

وبالنسبه لموضوع المنع من التدوين فهو منع مشروط يعني ممكن أدون بس بشرط موافقه الهيئه عندي ولازم يتعمل إجتماع للمجلس عندنا يعني عقبال ما يواقفوا هتكون كل النيابات عرفت بحكايه المدونه خاصه إنهم عندنا عاملين زي وكاله رويتر وساعتها هبقى ما عملتش حاجه لإني عامله المدونه دي علشان تبقى حاجه خاصه بيا مش علشان يشوفوها المتطفلين الكتير اللي حواليا وطبعاً أكيد هيوافقوا لان المدونه شخصيه مش سياسيه يعني ما فيهاش حاجات إحنا ممنوعين من الكلام فيها والحاجات اللي احنا ممنوعين من الكلام فيها محفظينهالنا عن ظهر قلب واكيد انا ما بقربش للحاجات دي يعني مثلاً عمري ما هشارك في مدونتي في إضراب أو هحرض عليه إنما طبعاً انا ضميري مستريح جداً مش علشان انا ممنوعه لسبب روتيني ضميري مش هيبقى مرتاح وكمان أنا مش هستريح لما يراقبولي المدونه بتاعتي من باب الإشراف على أفكاري يعني ممنوعه من اي عمل سياسي ولا ليا صوت انتخابي زي بقيت الناس وكمان مش من حقي يبقى لي مكان اتكلم فيه براحتي وانفس حتى عن صرخات المظلومين اللي انت قلتها بنفسك واللي بسببهم ما بنمش الليل يبقى برضه مش من حقي الشئ البسيط ده 

مش عارفه إذا كنت فهمت وجهة نظري ولا لأ وإذا كنت برضه مش مقتنع بكلامي وشايف إن وجودي في عالم التدوين غلط فانا ممكن اريحك مني ومن مدونتي للأبد وده بدون أي زعل ،

وتحياتي ليك