28 نوفمبر 2008

رسـاله من ...مجهـول!!


28 نوفمبر 2008
.

وصلتني هذه الرساله من شخص لا اعرفه
وقد ترك لي حريه التصرف في الرساله بأن اكتبها كما يحلوا لي دون ان اخل بأصل الموضوع .
وقـد حملني هذه الأمانه...و مـا أثقـلها
قرأت الرساله اكثر من مره ...وكل مره يجول في خاطري فهم مختلف لمضمون الرساله.
احترت مع مراسلي ...ولم استطع الاتصال به لانه لم يترك لي عنوان.
وحتي لو كان له عنوان فهو قد القي برسالته واختفي ..او أكتفي
كما تقول (بس خلاص ) ما علييينا.
سأنقل لكم الكلمات الأولي من الرساله دون تصرف ..حتي لو بها أخطاء أملائه
تقول الرساله...السيد الأستاز/رئيس التحرير
من غير سلام ولا كلام انا عايزك تقري قصه الغراب الي سكن علي النخله ومن فوق النخله عين سخله وبمشوره حرمه المصون السيده حدايه هانم بنت العز الغانم من عائله الطيور الجارحه والنسور الجامحه في السماء الصافيه تحلق هذه العائله التي ...فيي يوم وليله اصبحت ...من اللوم عاريه تماما .
ومن غرايب وعجايب كلام الحبايب ان البوم والغربان والحداي بقوا اساطين الهواء فمهنتهم الاساسيه الطيران ..ومنه جعلوا دم كل من علي الارض في فوران.
الفئران حيرانه..الكلاب هيمانه ..التعالب شبعانه..
السمان والحمام والعصافير بطلت تطير
فهي لا تعرف فن الطيران
كلنا في حاله غليان
الا البوم والحدادي والغربان
نكمل الرساله الجايه

هناك 9 تعليقات:

هــو..مش ..نـو يقول...

هوهوه ..هوهوه..
واحنا كمان لينا كتير..
في العاب الهوي
والي ما يعرف يجي نلعب سوي
احنا الكلاب
هما الهباب
مين ع الباب؟
ايوه ..هناك غراب

نيرة و منةالله يقول...

اول تعليق
واول مرة بردو ازور المدونة دى
هو ارفان ومدايق من الى كلنا ارفانين منو
بس عايزين باقى الرسالة عشان نعرف هو بيفكر يعمل ايه
بس خلاص
سلالالالامات

فركشاوي ..ناوي يقول...

سيدي رئيس التحرير..
بس رئيس تحرير ايه ؟انا بحب الفركشه والدردشه وكمان النعنشه ...تشرب شاي بنعناع ؟
باين ان انا جيت بدري شويه عموما حلوه رساله الغراب دي ...بس تعرف ان الغراب ده معلم كبير ...وأول من علم ابناء آدم كيف يوارون عوراتهم .
خلي بالك من هوهو يا ريس دا حبيبي.

daktara يقول...

مممممممممممممممممممممم
مش فاهم حاجة
او ادعي اني مش فاهم حاجة
ممكن كل واحد يفسر الكلام علي مزاجه
تحياتي علي المدونة الجديدة

انظر حولك
د. خالد عزب

عازفة الأوتار يقول...

هى فعلا تتفسر بكذا معنى

عموما ادينا مستنيين الجزء التانى من الرساله يمكن يوضح حاجة

تحياتى

حاجــ عيال ــات يقول...

السلام عليكم
هو ايه اللي بيحصل ده
ايه الحيوانات الكتير دي
والطيور الجارحة والنسور
انا خايفة ..حد يطمني
انا فين
انا ليه
انا ازاي
ما ليش دعوة انا عاوزة اروح لماما

..........
خد بالك من الغراب

رئيس التحرير يقول...

الأستاذ/هو بيه مش نو هانم
-------أهلا بك وتشرف انت والعاب الوي بس ابقي هات نو معاك المره الجايه ...عمك فركشاوي عامل عنك حكاوي روح شوف لو انت غاوي _______نورت.
نيره ومنه الله
-----------معلهش دا تاني تعليق وأول مره تشرفوني اهلا بيكم وتابعوا باقي الرسايل___________في انتظاركم*
فركشاوي ..فركش فركشه
--------------------- انت النعنشه ويا منعنش ...لسه ربنا ما تبش عليك ربنا يتوب علينا وعليك..ما توصنيش علي هو يا فركش ______نورت *
daktara
--------
عمال انظر حولي..وانظر حولي مش لاقي غير د.خالد عزب ________شرفت د.خ
عازفة الأوتار
--------------أوتار العزف أطربتنا انغامك الساحره ..الجزء التاني قريب جداــــــ في انتظار رنين اوتارك*
حاجــ عيال ــات:
----------------- أسم الله عليك يا صغنون انت ..أنت في مدونه عمو ماتخفش.ليه ؟ علشان تنورها ...دمك خيف ربنا ما يحرمني من بسمتك الحلوه_____

بس خلاص ... يقول...

الرساله دى كلنا شفناها بس ماعرفناش نقراها.... ولما قريناها احترنا احنا مين فيها الفئران اللىحيرانه..ولاالكلاباللى هيمانه ..وطبعا مش التعالب اللى شبعانه..
ممكن نكون السمان والحمام والعصافير اللى بطلت تطير ...مش لان جناحها انكسر ... لان الهوهو الهيمان شخصيته ماعدتش مؤثره وماقدرش يخوف ويطير الحدادى والغربان

fashkool يقول...

يا اخى الكلام واضح .. اصل الغربان والحدارى ما بيرموش كتاكيت وشوف انت بقى اما ما يبقاش فيه كتاكيت يبقى كلنا حنجوع اكتر ما احنا جعانين وكله انكسر جناحه وما عادش بيطير اللى الغراب والحدايه والبومه وانت عارفهم التلاته الغراب الكبير والحدايه والبومه
انا نشر ت من غير ما آخد رأيك .. فوت المره دى عشان نسيت وبعدين يا عم انا بقيت مدير تحرير وقريب حابقى رئيس تحرير يعنى مش انت بس .. انا كمان .. تحياتى يا ريس