07 ديسمبر 2009

مجرد ...فكره .

كثيراً ما ينتاب أحدنا الشعور بالوحده والأفتقار لرفيق .. أو صديق ...
و عندما لا يجد يلجأ للأوراق فـيحكي ما يدور بنفسه .
وعـندما يُفـرغ الشحـنه علي الورق يشعر بشيئ من الراحه ...
ويُعـيد قراءه ما كـتب .
و كثيراً ما أتعجبُ مما كـتبت !! و أسأل نفسي ما العائد مما قُـلت ؟
و كثيراً أيضاً ما يكون مصير الورقه عـود ثقاب ... أو التمزيق و الألقاء بها في المهملات .
ربما يعثر عليها فـضولي ...فـيُعيد ترتيبها و تنسيقها و يقرأ ما فيها .
أحياناً يكون ذلك بحثاً عن اسرار الآخرين ... و أحياناً يكون حُباً لهم و مشاركه همومهم .
يمكن أن يكون ذلك حال المدون ...
حين يدق كلماته علي لوحه المفاتيح ... و هو لا يعرف من سيقرأ باحثاً عن أسراره و من سيقـرأ حـباً .
يا من عـثرت علي كلماتي ...تبحث عن أسراري ...لا سر لي ..
يا من عثرت علي كلماتي ... بحب و تحب مشاركتي همومي ...
هـمومي... هي... هي ...همومك .
ولا يمكن ألومك ... لو أشعلت في كلماتي عود ثقاب .
أو عاودت الـدق علي الأبواب ...
لتتفتح أبواب قلوبنا لنهتدي ...للصواب .
كلمات خطها قلمي ...دون أن أراجعها .

هناك 12 تعليقًا:

هــو..مش ..نـو يقول...

بحبك يا بلاااادي...
يا بلاااااادي بحبك .
والله كلامك تقييييل ...
وأنا نفسي أوزن دماغي ...
أوزنها أزااااااي؟؟؟

انا العبد يقول...

هو كذلك



اللهم اهنا واياك الى سواء السبيل

جلال كمال الجربانى يقول...

السلام عليكم

الأصدقاء كثيرون ولكننا المدونين نبحث عن الصداقات الفكريه
فهى الأجمل والأفيد
ما يهمنى هو أن أقرأ أفكارك وتقرأ أفكارى وتتصارع الأفكار وليس الأسرار
وإهتدائنا للصواب هو الهدف والأمل ولكن عن طريق التواصل
فكل تدوينه أقرأها لصديق تضيف لدى معلومه جديده بالتأكيد ومن هنا نستفيد

ودمت فى أمان الله وحفظه

كلمات من نور يقول...

سيدي رئيس التحرير

الموضوع داه وسيلة جيدة جدا للوصول إلى حالة الهدوء مع النفس أنا باعمل زيك كده باكتب المشكله على ورق وابص لها و اقول لنفسي الله أكبر من أي مشكلة وهو القادر على حلها و رحمته وسعت كل شيء ثم أقوم بتمزيق الورقة إلى فتات صغيرة وزمان كنت باطيرها من الشباك بس دلوقتي بحب احافظ على نظافة الشارع بتاعي علشان بصراحه هو نظيف قوي قوي ..والعربية بتاعة القمامة لما بتمر مش بتوسخه خالص بدل ما تنظفه والناس اللي بتمر بعربه صغيرة تقطع الأكياس بحثا عن كرتونه او زجاجه فارغه دايما بينظفوا بعدهم ..فيبقى عيب عليا انا اوسخ الشارع مش كده والا إيه؟

ملحوظة حضرتك كتبت حاجه في مدونة فشكوول الأيام اللي فاتت وظهرت عندي عالبلوج بس كنت كل ما أدخل المدونة يقولي صفحة خطأ؟

بحر الإبداع يقول...

السلام عليكمـ

أخي الكريم حسين

صدقت فيما قلت ،،

فكثيراً أمسك قلمي في وقت أنا أحتاج أن أمسك قلمي فيخط حبري ما يجول بذهني ، ثم أرتااااح قليلاً لأعاود قراءة ما كتبت فأنذهل وأسأل نفسي قليلاً هل بالفعل أنا من كتب تلك الكلمات ..!!

هكذا حياتنا .. كلمة تتلوها كلمة

أتشرف بزيارتك أخي الكريم
دمت بخير

رئيس التحرير يقول...

هو..مش..نو
كلنا بنحب بلادنا..
ونخفف كلامنا بشويه دلع كده .
ودماغك موزونه ..
موزونه خالص يا هوهو
شكرا لك علي زيارتك...

رئيس التحرير يقول...

انا العبد :
تسرني جداً زيارتك ..
ربنا آخذنا بما في قلوبنا..
ولا تأخذنا بما نقول.

رئيس التحرير يقول...

واحد من العمال:
وعليكم السلام
إننا كما تقول وهذا ما اعنيه بالضبط.
ولكن كيف تتصارع الأفكار دون أن نتابعها؟
و لكن ما فائده جمع المعلومات لو لم نعمل بها ؟
هل فهمتني ؟
أرجو ذلك..
دمت بخير وعز ...

رئيس التحرير يقول...

كلمات من نور :
نورتي والله العظيم ...
طبعاً...
عيب علينا كلنا لو أتوسخ الشارع.
اما بخصوص ملحوظتنك ...
ففشكول حبيبي جداً..والحكايه دي حيرتني انا كمان .
سيدتي ...شرفتني زيارتك .

رئيس التحرير يقول...

بحر الإبداع :
وعليكم السلام ورحمه الله وبركاته
أنا من يتشرف بزيارتكم ...
دعوتكم لي كرم عظيم منكم .
تركت لكم رساله في البريد ..

منه مرتجى - عازفة الأوتار يقول...

كلام جميل و كلام معقول
مقدرش اقول حاجة عنه ...:)

يا من عثرت علي كلماتي ... بحب و تحب مشاركتي همومي ...هـمومي... هي... هي ...همومك

مفيش كلام بعد السطرين دول
تسلم افكارك


**** على الهامش
ميرسى جدا جدا على سؤالك
انا الحمد لله بخير
بس مكنتش عارفة ادخل نت لأسباب فنية شبكية
و دلوقتى النت موجود الحمد لله
بس تواجدى قليل لانى لسه ماسكة شغل جديد و محتاجة اركز فيه شوية

دعواتك بقى

:)

فشكووول يقول...

السلام عليكم حسين بك

هو كلنا نفس الشعور ولا ايه

كتير قوى بتكون سلة المهملات هى الملاذ الآمن لكثير من الافكار.

وكتير الواحد بعدين يقعد يبحث عن الكلام دا فى المهملات

والاكتر ان سلة مهملات العقل الواحد ساعات بيطلع منها حاجات ما كانش مهتم بيها ويلاقيها فى يوم من الايام مهمه جدا

الهموم كترة يا حسين بك .. والدنيا بقت مش حلوه والبلد بقى حالها يغم اللى ما يتغمش والهموم بقت زياده فى زياده وربنا هو الشافى للكل .. للافراد .. وللوطن الى متهيأ لى ما بقاش وطن