23 فبراير 2009

أيه النظام؟؟


السلام عليكم ورحمه الله وبركاته
الغياب عن الأحبه أمر صعب،ولكن الأسباب حتما ولا بد أنهاأكثر صعوبه وقاهره
في مقال رائع للأستاذ/صلاح(العم فشكول) تحدث فيه بأسلوبه الجميل عن موضوع مهم ولكن الأهم طرح التساؤل او نشر الخبر المعروف عن خروج ايمن نور من السجن
دخل ايمن نور السجن ليس بأرادته ولكن لأسباب قهريه،وأيضا ليس بأراده خصومه السياسيون
ولأسباب قهريه ايضا دخل
ثم خرج ليس بأرادته ولا بأراده خصومه السياسيون ولكن ايضا لأسباب قهريه
انكر واستنكر ان يكون خروجه من السجن صفقه مع الحكومه.كأن الصفقه مع الحكومه عيب وعار...ونفي تماماان يكون كتعاونا مع الحكومه ولكنه اعطي النظام الذي يحرك الحكومه شيئ من الحق في اخراجه من السجن ولما لا يخرج ايمن نور من السجن؟ بدون ان يسأل القضاء الذي حكم عليه بالسجن
وأيه النظام؟
يخرج كما خرج غيره وأيضا لأسباب قهريه
أردت ان اعتزر لكم عن غيابي لأسباب قهريه،فدخلت رغم عني في هذا الحديث ايضا لأسباب قهريه
ويبدو أننا نعيش في قهر حتي اصبحت عاصمه بلادنا القاهره مزدحمه بالسكان تبتلعهم في جوفها او تحتضنهم لا ندري...أهو ابتلاع أم اندفاع؟الي اتجاه لا نعرف ايضا وجهته ولا من الذي وجهه
عندما نتسائل نجد الكثير من الاجابات،وكل اجابه تثير الكثير ايضا من علامات الأستفهام
وجود علامات الأستفام ظاهره صحيه تبشر ببدايه الخروج من الظلام
الي نور العلم والمعرفه وقد قالوا بدايه العلم السؤال
ماذا بعد خروج ايمن نور؟

هناك 18 تعليقًا:

ahmed_k يقول...

ماذا بعد خروج ايمن نور؟
سؤال بسيط جدا يا فندم وإجابته واضحه وضوح الشمس
فما بعد خروج أيمن نور من السجن هو
دخوله مرة أخرى لو فكر بالترشح لمنصب رئيس الجمهوريه

وإبتسم أنت في القاهره

د. ياسر عمر عبد الفتاح يقول...

اول رد .. لأول مرة
متفق معاك تماماً
كل شىء حولنا يتم رغماً عنا
كلما أردنا شيئاً صار ضده
القهر فى كل مكان والغريب أن كل من يقهر هوه فى الأصل مقهور من سلطة أعلى منه مقهورة أيضاً من أعلى وهكذا دواليك لنرى فى النهاية رؤس الأفعى تطل براسها لتنثر سمها وتنشر حقدها وظلمها ولا أظنها تخفى عنا جميعاً

ورغم أنى لست ممكن يعتقدون أن أيمن نور يصلح لدور الزعيم المخلص
أو قل لست ممن يرون أن فى حاجة الى مخلص بصفة عامة لأننا كلنا واقعون فى الشرك وكل منها يجب أن يكون مخلصاً لنفسه أولاً قبل الحديث عن الأخرين.

دائماً ما تستفزنى مواضيعكم وطرحكم ل(الرغى)فاعذرنى

أرجو أن تكون هذه أخر فترات الغياب

عمرو جويلى يقول...

السلام عليكم
صديقى العزيز
رئيس التحرير باشا
صفقة خروج أيمن نور قهرة كبيرة قوى وأتظر حولك فاكر إعلان أنظر حولك ستجد كثيرا من المقهورين
تحياتى

*البت المشمشية *حلوة بس شقية * يقول...

ههههههههههه

انا بضحك من الهم اللى احنا فيه
لما ايمن نور خرج
ايه بقه اللى هيحصل تانى
هيدخل السجن تانى
ولا هيخرسو
لينك مدونتى اتغير ده اللينك الجديد ضيفو عندك وامسح القديم
http://o0mshmsh0o.blogspot.com/

نفرتارى يقول...

اين انت ايها الامير لعلى مانعك عنا خيراً .
اللى بعد خروج ايمن نور .. اسئلة كتيرة .. ولكن اى اجابة الايام هى اللى هترد عليها .
نحن فى انتظارك اميرنا بموضوعك الرائعة .

دمت بألف صحة وسعادة ،،

نفرتارى

إشراقة أون لاين يقول...

أظن خروج أيمن نور من ضمن الملاعبات السياسية الموجودة فى البلد ليتراءى للجمع الغفير من الشعب قبل الإنتخابات الرئاسية القادمة ...بوجود الحرية والتضامن مع كل مرشحى الرئاسة...دموقراطية يعنى

daktara يقول...

الصراحة مش فاهم ايه علاقة الصورة اللي انت حاطتها بالموضوع
الصراحة اكتر انا مش فاهم ايه هو لب الموضوع
هل اننا وحشناك
ام خروج ايمن نور
عموما انت كمان وحشانا زيارتكم الكريمة
ونهنئ انفسنا علي خروج ايمن نور



شكلها باظت
انظر حولك
د. خالد عزب

Unknown يقول...

اخى الفاضل

انا دخلت التدوين لأسباب قهرية


المدونة رائعة جداً جداً يا استاذ حسين وانشاء الله على الدوام والزيارة يومياً

اسلام ديو

Unknown يقول...

ايمن نور مجرد شخص عادى
حب ولا طالش
ولا كان هيطول

لو انتا معاك تليفون محمول ... هتفكر تديه لصديق ليك من غير مناسبة ؟؟
طبعاً لا

اهى هى دى مملكة مصر المستأجرة من قبل ناس ، ومينفعش حد يدخل العائلة الملكية بالغصب والأقتدار
لك تحياتى

د.توكل مسعود يقول...

السلام عليكم ورحمة الله ...وبعد

أيمن نور....السيد الرئيس.....ولى العهد....السادة الوزراء...رئيس الوزراء.....شرط أساسى فى كل هؤلاء أن يكونوا مسلوبى الإرادة

بعد خروج أيمن نور مثل قبل خروج أيمن نور ...عينك ماتشوف إلا النور.

على عبدالله يقول...

السلام عليكم

ماذا بعد خروج ايمن نور ؟؟؟

عادى يعنى
ولا حاجة
ايه الجديد
يعنى هو ايمن نور كان قائد "الحركة الشعبية لتحرير الاونطجية "

نفرتارى يقول...

انا بشكرك على الايضاح التى قمت بيه فى مدونتى .

وانا مستنيه رأيك .

تحياتى .. ودمت بألف خير ..

نفرتارى

غير معرف يقول...

مساء النور
اول مرة اطالع مدونتك ودخلت اليها عن طريق عم احمد فشكول
حمد الله ع السلامة
بامكان مخمد نور يخرج لانه قام بصفقة مع النظام او لان امريكا و في محاولات عدة طالبت النظام باخراجه على اي اي كان الاسباب حيبان بعد ما نشوفو اراء نور و طريقة تعامله مع النظام
مودتي
دعوة للتواصل مع مدونتي

فشكووول يقول...

انت بس مدوخنا فى المدونات بتاعتك وانا غلبان ما بصدق ان مدونه تفتح0 معايا واقوم على طول حاطط التعليق بتاعى
انت عارف ان ايمن نور خرج من السجن لاسباب صحيه .. وطبعا عارف ان الاسباب الصحيه تخلي الدكاتره يكتبوا عنه تقرير كل فتره واذا زالت الاسباب الصحيه ممكن يرجع يكمل المده بتاعته تانى فى السجن .. طب هى الاسباب الصحيه دى حتزول امتى؟ .. قول انت بقى .....

Unknown يقول...

اشكرك استاذى الفاضل على مرورك بمدونتى
وانا منتظرك تشرفنى ان شاء الله

فشكووول يقول...

يا راجل يا ابو يحيى .. ياراجل هو انا لما اقع فى زنقه ما فيش حد يقف معايا .. طب انا زمان حليت مشكله بين مدونة (ن) ومدونة واحد صاحبنا مافيش داعى اقول اسمه .. كمال حليت المشكله بين حاجات عيال وهوهو .. ولما اقع فى مشكله ما الاقيش حد يقف معايا .. طب ياحسين انا شايلها لك وحاتلكك واتسبب لك فى خناقه ولا حرب مع اي حد واولعا ولع واشعللها شعلل . وانت عارف عندنا ايه فى المنوفيه .. رؤساء نبيع .. وزراء نبيع .. لواءات نبيع .. كل اللى نفسك فيه عندنا .. مستشارين برضه نجيب .. رؤساء مجالس ادارات برضه نصلح .. كل حاجه وحاسلطهم كلهم عليك لو ما حلتش المشكله دى واوقفت الحرب بيننا .. وعلى فكره انا غلبان وحاسكت بس بتلكك حد يسكتنى .. حد يحوشنى يا عالم
تحياتى

فشكووول يقول...

العمليه ولعت والحرب بقى فيها معايا وعليا .. روح صالح هوهو

فشكووول يقول...

يا حسين بيك انت بس صالحنى يا ريس ولك الحلاوه.. اصل انا بتلكك
واذاحصل وعملت وقف لاطلاق النار يعنى ان شاء الله بعد ما اكون ظاظا حاعينك وزير المصالحات بين الناس ..
احنا يعنى حنعينك من جيبنا .. كله من جيب الدوله .. وزير وخلاص
تحياتى